TÁP OG FJÖR OG FRÍSKIR MENN

Til hamingju með BÓNDADAGINN synir Íslands. 

MINNI KARLA

Táp og fjör og frískir menn
finnast hér á landi enn,
þéttir á velli og þéttir í lund,
þrautgóðir á raunastund.
Djúp og blá blíðum hjá
brosa drósum hvarmaljós.
Norðurstranda stuðlaberg
stendur enn á gömlum merg.

Aldnar róma raddir þar,
reika svipir fornaldar
hljótt um láð og svalan sæ,
sefur hetja' á hverjum bæ.
Því er úr doðadúr,
drengir, mál að hrífa sál,
feðra vorra' og feta' í spor
fyrr en lífs er gengið vor.

Höf texta: Grímur Thomsen

Athugasemdir

[Ásdís Sigurðardóttir, 22.1.2010 kl. 14:07]

  íslenskir karlmenn þeir eru sko alls engar gungur, íslenskum karlmönnum vefst ekki tunga um tönn  la la la la   eki veit ég afhverju, en ég hef aldrei hrifist af karlmönnum í jakkafötum ( sem vinnufötum) en ég elska íslenska karlmenn

[Róslín A. Valdemarsdóttir, 23.1.2010 kl. 03:31]

Ég man eftir að hafa sungið fyrra erindið oft og margssinnis á sal í grunnskóla, finnst það flott og Föðurlandsins freyja. Vekur uppi minningar, strákarnir þurftu að standa upp á meðan stelpurnar  sátu og þeir sungu og öfugt!

[Róslín A. Valdemarsdóttir, 23.1.2010 kl. 03:32]

auðvitað meina ég Fósturlandsins freyja... fattaði það strax þegar ég birti athugasemdina!

Knús

[Jónína Dúadóttir, 23.1.2010 kl. 09:11]

[Ingvi Rúnar Einarsson, 23.1.2010 kl. 22:08]

Stóðu sem stuðlaberg,á gömlum merg.Unnu Dani með glæsibrag.

[Jóna Kolbrún Garðarsdóttir, 25.1.2010 kl. 03:15]

Ekki man ég eftir að hafa séð seinna erindið í þessu ljóði áður, takk fyrir birtinguna. 

[Ásthildur Cesil Þórðardóttir, 25.1.2010 kl. 11:32]

Já ég er orðin dálítið sein með hamingjuóskirnar.  En til hamingju samt íslandskarlmenn.  

[Steingrímur Helgason, 25.1.2010 kl. 23:29]

Þakkir...