Ég ætlaði að kaupa KYNLÍF og fá hamborgarhrygg í kaupbæti en ......

Ég var í konuboði nýlega með Jónu Ingibjörgu Jónsdóttur, sem var að gefa út bókina KYNLÍF, heilbrigði, ást og erótik. Þar sagði hún okkur  að nú færi bókin að koma í búðir. Ég frétti síðar að verið væri að selja bókina og kaupendur fengju hamborgarhrygg í kaupbæti! 

Þetta mundi ég áðan og lagði s.s. leið mína í Eymundsson í Austurstræti,  sá bókina og spurði afgreiðslukonu hvort maður fengi ekki hamborgarhrygg í kaupbæti. Svipurinn sem hún gaf mér var svolítið sposkur, en hún kannaðist ekkert við dæmið.  Ég áttaði mig þá á því  að líklegast væri það önnur verslun sem væri með tilboðið. 

Ég ákvað að fresta kaupunum, kom heim og fletti upp á síðu ráðgjafastofu Jónu Ingibjargar:  http://www.kynstur.is/  en þar stendur: 

"5. desember 2009.

Bókabúð Máls og menningar ætlar að snúa blaðinu við.

Þegar keypt er eintak af bókinni minni Kynlíf - heilbrigði, ást og erótík fylgir hamborgarahryggur frá Gallerí Kjöt með í kaupbæti."

Nú er bara spurning hvort að tilboðið gildir ennþá! 

....

 

 

Athugasemdir

[Ólafur í Hvarfi (IP-tala skráð) 12.12.2009 kl. 21:10]

Ég sem var eitthvað að hafa áhyggjur af því að ástir, kynlíf og erótík með hamborgarahrygg væri svona á línunni :)

[Jóhanna Magnúsdóttir, 12.12.2009 kl. 21:39]

Allt fullkomlega heilbrigt samkvæmt bókinni sko!

[Ingvi Rúnar Einarsson, 12.12.2009 kl. 21:55]

Tvennskonar val.Kaupa kynlíf og hamborgarhryggur í kaupbætir eða fara til Köpen og fá kynlíf  frítt.

[Jóhanna Magnúsdóttir, 12.12.2009 kl. 22:19]

Ég er að byrja að fá smá móral að hafa sett upp svona tvíræðan titil.

[S. Lúther Gestsson, 12.12.2009 kl. 22:35]

Ég keypti kynlíf af Jónu og hún gaf mér að borða hamborgarahrygg á eftir.

[Jónína Dúadóttir, 12.12.2009 kl. 23:14]

Þú ert alveg stórágæt

[Jóhanna Magnúsdóttir, 13.12.2009 kl. 00:00]

Mér finnst reyndar ananas passa vel með hamborgarhrygg  ..

Takk Jónína, ég veit þú veist að ég er ekkert voða slæm!

[Sigurður Þórðarson, 13.12.2009 kl. 00:38]

Frumleg og fyndin!

[Jóhanna Magnúsdóttir, 13.12.2009 kl. 10:09]

Takk Siggi!