Eva Lind Jónsdóttir 30 ára 2. september 2011

Eva Lind Jónsdóttir fæddist um kl. 22:00 að kvöldi 2. september árið 1981.  Þá var mamman búin að vera um sólarhring á fæðingarheimilinu.

Hún fæddist með kolsvart hár, en foreldrarnir báðir ljóshærðir, en faðir hennar hefði aldrei og getur aldrei svarið hana af sér.

Það eru ýmsar "stökkbreytingar" í lífinu, sumar góðar og aðrar slæmar.  Mér finnst svolítil stökkbreyting að vera allt í einu orðin móðir ungrar konu á fertugsaldri! 

Ég er bara þakklát, endalaust þakklát. 

Þakklát fyrir vel innréttuð og falleg börn, sem eru Eva Lind og svo tvíburarnir Jóhanna Vala og Þórarinn Ágúst. 

 

Þarna er Eva að vaska upp í eldhúsinu á Stekkjarflötinni í Garðabæ, hjá afa Kela og ömmu Tobbý, - en ekki mátti opna pakka fyrr en eftir frágang, svo hún hefur drifið sig í eldhúsið!

 

 

 

 

 

 

Og þarna eru litla systir og stóra systir að knúsast, í fallegum jólakjólum! 

 

 

 

 

 

 

 

 

 

Í Ásbyrgi, Eva Lind, Þórarinn Ágúst, Jóhanna Vala og svo hundurinn okkar hún Hneta, sem svo sannarlega leit á sig sem eina af fjölskyldumeðlimunum! 

 

 

 

 

 

 

 

Og svo var farið til útlanda og leikið á ströndinni! .. 

 

 

 

 

 

 

 

 

Hér er farið hratt yfir sögu, og þarna er Eva komin með kærastann Henrik Jörgensen og son þeirra Ísak Mána sem er nú orðinn 7 ára. 

 

 

 

 

 

 

 

 

                                                                                                                                                                     Á brúðkaupsdegi Evu og Henriks, 14. ágúst  2009 - þá var Elisabeth Mai fædd, - aðeins þriggja mánaða gömul! 

 Þarna eru börnin mín þrjú - styttri útgáfan af nöfnunum:  Vala, Eva og Tobbi.

 

 

 

 

 

 

 

 

 

Og svo "græddu" börnin mín einn bróður í viðbót, krúsílinginn hann Anton Örn, sem pabbi þeirra á með konunni sinni henni Birnu Maríu. 

En allt gengið ætlar að borða saman hjá mér á morgun í tilefni afmælisins!  

 

 

 

 

 

 

 

 

Þarna er Eva komin með  Elisabeth Mai, 2 ára.   Áttum þarna skemmtilegan dag í Tívolí í Kaupmannahöfn! 

 

 

 

 

 

 

 

 

Þetta er náttúrulega bara dásamleg fjölskylda! ;-)

 

 

 

 

 

 

 

 

 

 

Óska Evu minni innilega til hamingju með daginn hennar, það er margt spennandi framundan í dag! 

Hér er svo blogg sem ég skrifaði þegar hún varð 27 ára!

 

Ég á mér draum  

(Lag: I have a dream, texti JM)

 

Ég á mér draum,  í hjarta fann

heilt samfélag, um kærleikann.

Saman styrk við stöndum,  mætumst hlið við hlið

styðjum hvert við annað,  færum hinu frið.

Ég trúi á engla,

eitthvað gott í öllum hægt að sjá

Ég trúi á engla,

og kominn tími fyrir frelsi´ að fá

Guð gefur gaum - ég á mér draum

 

 

Ég á mér draum,  eitt ævintýr

í hjarta þér, heill heimur býr.

Veröldin sem opnast,  við trú og nýja sýn

veitist okkur öllum, viskan verður þín.

Ég trúi á engla,

eitthvað gott í öllum hægt að sjá

Ég trúi á engla

Og kominn tími fyrir frið að ná

Guð gefur gaum - ég á mér draum

Guð gefur gaum - ég á mér draum.

 

Athugasemdir

[Ásthildur Cesil Þórðardóttir, 2.9.2011 kl. 00:38]

Æ elskuleg þetta er svo fallegt og frábært og yndislega myndir. Innilega til hamingju með dóttur þína og alla fjölskylduna óska ykkur ánægjulegrar stundar á morgun. 

[Steingrímur Helgason, 2.9.2011 kl. 00:45]

Glæzileg famelía, gratjúlera þér með, vinkona.

Þú rétt forðazt fallið með þýðínguna á þezzum ABBA texta...

(Geta zkal heimilda!)

Z.

[Jóhanna Magnúsdóttir, 2.9.2011 kl. 00:49]

Takk og takk! ..

[Helga Kristjánsdóttir, 2.9.2011 kl. 11:01]

  Innilega til hamingju með dótturina og bara allt. Það vakti upp gamlar minningar að sjá Evu í eldhúsinu hjá Tobby og Kela ömmu sinni og afa.  Þau eru ógleymanleg jólaboðin hjá foreldrum Tobbýar,á Njálsgötunni. Tíminn er á hraðferð,alla vega hjá mér. Bestu kveðjur. 

[Jóhanna Magnúsdóttir, 2.9.2011 kl. 11:49]

Takk fyrir kveðjuna Helga, - já það er svolítil nostalgía sem fylgir svona göngu niður minningastrætið ;-)

[Eva Lind Jónsdóttir (IP-tala skráð) 3.9.2011 kl. 10:30]

Nice :) Love ya