Þyrnirós ...

Í heila öld svaf hún svefni værum 

og sendibréfunum svaraði ekki.

Hún kaus að sinna ei kvenna kærum

og losa með því um ljóta hlekki.

 

Svo komu þar konur og kirkjuna kysstu

og fjölmiðlar fóru að hafa hátt.

Hún fann hún var komin á brúnina ystu

en karlabarn klagaði  ljósvakans mátt.

 

"Það á ekki að fjalla um kynhvöt og kirkju

í hverskonar hvirfilvindi´ erum við lent?

Er ekki hægt að fjalla um garðyrkju  

eða um kynferðisbrot bara svona almennt"?

 

Kastljósi vill hann frá kirkjunni beina

og leyfa þar pukri að grassera í friði, 

en Jesús vill ekki neinu leyna

hann ávallt stendur með sannleikans liði.

 

Úr musteri reiður hann rekur út fjanda

og tendrar þar inni ljósið bjarta.

Burt ryki er blásið af heilögum anda

og friður Guðs ríkir í hverju hjarta. 

 

Athugasemdir

[doctore (IP-tala skráð) 7.9.2010 kl. 13:45]

En Jóhanna, Jesú laug líka... og dogmað hans með að allir skuli hólpnir verða ef þeir trúa og játast honum; Það er ávísun á 100% ábyrgðarleysi.

[Jóhanna Magnúsdóttir, 7.9.2010 kl. 13:47]

Hvað veist þú um Jesús doctore?

[doctore (IP-tala skráð) 7.9.2010 kl. 14:44]

Látum okkur sjá; Ég veit allt sem þú veist um Jesú, að auki veit ég miklu meira... td sú staðreynd að Jesú var að öllum líkindum ekki til.. það bendir allt til þess að hann hafi einmitt verið skáldaður upp.
Að auki fór ekkert að bera á meintum kraftaverkum meints messíass fyrr en um 100 árum eftir meintan dauða hans... því lengra sem leið, því meiri af kraftaverkum... Það eitt og sér segir klárlega að þetta var allt uppskáldað.

Taktu eftir Jóhanna, ég er ekki að gera árás á þig... ég er bara að segja þér sannleikann.. .þeir sem gerðu árásir á þig voru þeir sem seldu þér Jesú

Peace