"Climb Every Mountain?"

Ég var að tala við hana Önnu Steinsen hjá Dale Carnegie í fyrradag, eða reyndar var hún að tala við mig.  Kynnti hún m.a. fyrir mér hugmyndina um þægindahringinn sem við óttumst oft að stíga út fyrir, en þægindahringur getur virkað heftandi bæði andlega og líkamlega. Það sem er þægilegt er það sem við erum vön og þekkjum, en endilega ekkert voðalega mikil áskorun eða skemmtilegt. 

Á heimleiðinni úr vinnunni heyrði ég í útvarpinu auglýsingu frá 66¨N og Íslenskum Fjallaleiðsögumönnum.  Þar er um að ræða fjallgöngunámskeið sem hefst í febrúar og lýkur í júníbyrjun með göngu á Hvannadalshnúk hvorki meira né minna.

 

 

Susan Boyle var 47 ára þegar hún toppaði í "Britains got talent"  og þá gæti ég svo sem alveg eins toppað í mínum "ævintýrum."  Ég hef nú ekki unnið neina stórsigra í fjallgöngum hingað til, en þó gengið á nokkur minni fjöll og dreymt stóra drauma; keypti mér að meira að segja bókina:  Íslensk fjöll, gönguleiðir á 151 tind í fyrra og af stórhug mínum ætlaði ég að merkja út hvert fjallið af öðru. 

Ég held að ég sé búin með þetta eina til að slétta niður í 150! .. Nei, nei .. þar er aðeins dregið úr,  það má gefa sér eitt eða tvö til eða frá.  

Nú er spurning hvort að þessi  kona eigi að láta stóra drauma rætast, stíga út fyrir þægindahringinn (eða sófann) og drífa sig á námskeið og vera komin í  "She Woman" form  í júní?

 

 

 

 

  

Athugasemdir

[Róslín A. Valdemarsdóttir, 15.1.2010 kl. 18:21]

Mér lýst vel á þetta hjá þér!

Drífðu þig bara á námskeið og svo áður en þú ferð upp á Hvannadalshnjúk eða eftir kemurðu í heimsókn til mín, það er ekki svo langt.. kannski svona 100-150 km....

[Jóhanna Magnúsdóttir, 15.1.2010 kl. 18:22]

Ok, 1 atkvæði komið með

[Hrönn Sigurðardóttir, 15.1.2010 kl. 18:54]

Færð mitt atkvæði líka. Systir mín gekk á Hvannadalshnjúk í fyrra og komst aftur niður a live and well ;)

Ég ætla samt að láta Esjuna duga mér.

[Jóhanna Magnúsdóttir, 15.1.2010 kl. 20:27]

Takk, 2 atkvæði. Úff hvað ég er fegin að heyra að systir þín kom niður aftur Hrönn! ;-)

[Hrönn Sigurðardóttir, 15.1.2010 kl. 20:58]

Já.... ég líka ;) sú hefði verið orðin hin laglegasta grýlukerling núna.

[Ragnheiður , 15.1.2010 kl. 22:09]

Drífðu þig bara....

það er annars ekkert að marka systur Hrannar, óeðlilega fljót niður sko haha

[Hrönn Sigurðardóttir, 15.1.2010 kl. 22:18]

Það var bara vegna þess hvað ég er skemmtileg. Hún getur ekki verið lengi án mín

[Jóhanna Magnúsdóttir, 15.1.2010 kl. 22:37]

Hmmm.. mér finnst yfirleitt erfiðara að fara niður en upp, eins undarlegt og það má hljóma.

[Hrönn Sigurðardóttir, 15.1.2010 kl. 22:50]

Það er alltaf erfiðara að fara niður. Reynir meira á vöðva sem maður notar sjaldan..... Kannski vegna þess að maður stefnir alltaf á toppinn? ;)

[Jóhanna Magnúsdóttir, 18.1.2010 kl. 01:11]

þetta er góð skýring á því að stefnan er alltaf upp á við!