Fire and Ice(Save)

Ég verð að viðurkenna að ég er ein af þeim sem hefur verið að vænta Heklugoss (enda Hekla komin á tíma) þess vegna er það varla undarlegt að mig dreymdi eldgos í Heklu í nótt. 

 

Það óvænta var að ég var stödd í sumarhúsi og það óhugnanlega var að hraunstraumur var kominn upp að pallinum og var einhvern veginn allt um lykjandi.

Eigandi hússins var kona, veit ekki hvaða kona og var hin rólegasta. Mér fannst hún frekar vitlaus, því að auðvitað myndi kvikna í timburhúsinu þegar glóandi hraunið færðist alveg að! 

 

 

 

Það náði þó aldrei að kvikna í og allt í einu var gjóskan sem hafði svifið í loftinu (já þetta var draumur) orðin að fallega löguðum snjókristöllum sem svifu um og kældu síðan hraunið.Ísinn bjargaði, og vissulega hef ég verið að hugsa, ekki aðeins um Heklugos undanfarið heldur orð annað sem flestir eru orðnir lifandis, skelfing, óskapar þreyttir á. Já, djúp er blessuð undirmeðvitundin. Þetta var svona öðruvísi útfærsla á IceSave.

Athugasemdir

[DoctorE (IP-tala skráð) 11.1.2010 kl. 09:00]

Horfðir þú kannski á spaugstofuna.. ekki plata Jóhanna :)

[Ásdís Sigurðardóttir, 12.1.2010 kl. 15:16]

Ég er að horfa á hana út um gluggan minn, hún er hvít.

[Guðrún Emilía Guðnadóttir, 13.1.2010 kl. 08:37]

Takk fyrir öðruvísi útgáfu, komin tími til.

[Ásthildur Cesil Þórðardóttir, 13.1.2010 kl. 11:28]

FLottur draumur vonandi fyrir góðum lyktum Icesave. 

[Jónína Dúadóttir, 14.1.2010 kl. 06:20]