Áramótakvíði :-/ ...

Eins og mér finnst leiðinlegt að setja neikvæðar fyrirsagnir, ætla ég að leyfa mér það núna. Ég sá brot úr gömlum þáttum í sjónvarpinu í gær, og þar var verið að sýna frá áramótabrennum, spilað "Nú árið er liðið" og flugeldadæmið .. úff.. Þvílíkur kvíðahnútur sem settist að í mínu brjósti.

Ég hreint út sagt þoli varla sprengingar og bombur.  Lítil sæt stjörnuljós og blys eru ok. 

Lengi vel fórum við fjölskyldan; þegar hún var svona klassísk: mamma, pabbi, börn, hundur og bíll,  í sumarbústað um áramót og var það  skárra og reyndar nokkuð allt í lagi bara, því að það var ekki eins mikill órói.  

Áramótin 2006-2007 fórum við tvö ein í bústað ég og minn fv. sambýlismaður og voru það róleg og afslöppuð áramót.  Ein kaka sprengd um miðnætti, en það var eiginlega fyrir fjarstaddan son minn sem vildi endilega gefa okkur eina slíka.  

Í ár verð ég með systrum og mági og fleira góðu fólki á Skólavörðuholti, ætlum að elda sameiginlega bestu máltíð ársins og allan pakkann. Þarf aðeins að setja mig í þær stellingar að hafa gaman af þessu öllu saman því ekki getur maður flúið áramótin frekar en önnur tímamót í lífinu. 

Um áramótin verðum við mörg meyr, hugsum til þess sem er liðið - samferðafólks okkar sem við höfum kvatt.  

En auðvitað eigum við fullt af spræku samferðafólki sem hangir enn með okkur, það  rís sól að morgni Nýársdags, og það er auðvitað besti dagur ársins því þá eru 365 dagar til áramóta!

p.s. ég held mig kvíði bara ekkert lengur fyrir áramótum eftir að hafa skrifað þessa "sjálfshjálparfærslu"  

Sprenging varð í flugeldaverði

Athugasemdir

[Jóna Á. Gísladóttir, 28.12.2009 kl. 12:03]

Er þetta ekki snilld? Að geta talað sjálfan sig frá kvíðanum! Eigðu gleðileg áramót í faðmi fjölskyldunnar

[Jóhanna Magnúsdóttir, 28.12.2009 kl. 12:28]

Hahahaha, snilld eða létt geggjun!  Vona að ég geti togað fleiri með mér í áramótagleðihalarófuna.  o.s.videre ..

Takk sömuleiðis Jóna mín, gleðileg áramót!

[Ragnheiður , 28.12.2009 kl. 12:55]

Myndin er frábær. Ég er logandi hrædd við allar þessar sprengjur og hef oftar en ekki kosið að vera bara að vinna þegar þessi ósköp dynja yfir. Nú á ég hinsvegar vakt snemma á nýársmorgni...

Gleðilegt ár Jóhanna mín

[Jóhanna Magnúsdóttir, 28.12.2009 kl. 16:00]

Sammála Ragga, ró og friður yfir Skálholti, ætla að reyna að tileinka mér þennan frið - þó að mikið gangi á hið ytra.

Gleðilegt ár sömuleiðis! 

[Marta B Helgadóttir, 28.12.2009 kl. 23:12]

Þú stendur þig vel! 

Hjá mér var stundum nokkur kvíði fyrir aðfangadagskvöldinu hér áður fyrr frekar en fyrir áramótunum. 

Eigðu góð áramót kæra Jóga 

[Jóhanna Magnúsdóttir, 29.12.2009 kl. 11:33]

Takk Marta mín ;-)

Takk sömuleiðis Gleðileg áramót!