Vafasamur heiður kirkjunnar

Tekið úr meðfylgjandi frétt: 

"Donal Murray biskup sagði af sér fyrr í þessum mánuði eftir að birt var skýrsla þar sem biskuparnir eru sakaðir um að hafa haldið leyndri vitneskju um kynferðislegt ofbeldi presta gegn börnum. Þeir héldu þessum upplýsingum leyndum til að verja heiður kirkjunnar."

Þegar stofnanir og hefðir eru orðnar verðmætari en sálarheill barna erum við komin langt út af "veginum, sannleikanum og lífinu" og þar með komin langt frá Kristi 

"Allt sem þér gerðuð einum minna minnstu bræðra, það hafið þér gert mér" er setning sem sagt er að Kristur hafi sagt.. 

Kirkjustofnunin er því  skv. hugmyndum biskupanna orðinn mikilvægari en Kristur, og búið er að níðast á Kristi og vanvirða.  Hræsni er það og hræsni verður það á meðan svona er haldið áfram. 

Það þarf að ekki aðeins að sópa í kirkjunni, það þarf að setja á hana háþrýstislöngu og spúla hræsni, hroka og ógeð sem þrífst undir hennar þaki.  

 

 

Fleiri biskupar segja af sér

Athugasemdir

[Sigurður Þór Guðjónsson, 25.12.2009 kl. 23:38]

Það er óskaplegt að þessir menn skuli sleppta með refsingu fyrir yfirhylmingu.

[Jóhanna Magnúsdóttir, 25.12.2009 kl. 23:47]

Við skulum a.m.k. vona að þeir kunni að skammast sín.

[Jónína Dúadóttir, 26.12.2009 kl. 06:46]

Þetta er skelfileg stofnun....

[Guðrún Emilía Guðnadóttir, 26.12.2009 kl. 09:59]

Manni hefur fundist svona fréttir skelfilegar í gegnum tíðina, ætlar þetta aldrei að taka enda, er ansi hrædd um að seint verði komist fyrir viðurstyggilegan hugsunarhátt manna.

Var að horfa á myndina Karlmenn sem hata konur í gær og þó þetta sé bara bíómynd sýnir hún okkur þann viðbjóðslega hugsunarhátt og virðingaleysi gagnvart konum, en eigi bara konum heldur öllu mannkyni.

[Jóhanna Magnúsdóttir, 26.12.2009 kl. 10:40]

Svolítið sorglegt hvernig hefur verið  farið með Krist og kirkjuna:

Kirkjan á að vera samfélag fólks sem lifir samkvæmt siðferðisboðskap Krists um að elska náungann eins og sjálfan sig.  Kirkjan er ekki alslæm og langt í frá og það er fullt af fólki; prestar sem aðrir sem starfa af heilindum í þeim anda. Því má auðvitað ekki gleyma. 

 Það hefur þó loðað við presta og biskupa, sérstaklega kaþólsku kirkjunnar, að þeir hafa hreint út sagt, sumir hverjir, ekki elskað náunga sinn heldur níðst á náunga sínum og það hinum smæsta: börnunum!

Úlfar í sauðagæru, það er málið og er hættulegasta tegund fólks. Þeir sem mála sig heilaga en eru í raun virkilega vanheilir.  Koma sér fyrir í stofnun sem á að stuðla að ást, kærleika og vináttu og stofnunin skýlir þeim svo  í voðaverkjum sínum.

Þessu skemmdu epli skemma kirkjuna og eru sem krabbamein á líkama Krists. Líkama sem er ætlað að vera sameiningartákn - en við eigum að berjast gegn þessu krabbameini og neita að samþykkja það en ekki drepa líkamann sjálfan.

Eins og alltaf eigast þarna við öfl góðs og ills og við verðum að treysta, vona og berjast fyrir hinu góða.

[Jóhanna Magnúsdóttir, 26.12.2009 kl. 10:43]

Takk fyrir ykkar innlegg Jónína og Milla,  sammála þér Milla með "karla sem hata konur" það er virkilega svart sem kemur þar fram og mikil geggjun, sem því miður virðist hafa skapast í þessum heimi og er raunveruleg ógn.

Allir sem vettlingi geta valdið verða að hlúa að og vernda börnin og ofbeldismenn að leita sér læknishjálpar við veilu sinni.

[Óli Jón, 26.12.2009 kl. 12:06]

Kaþólska kirkjan er auðvitað ekki alslæm, en góðverkum hennar fylgja oft vondar sendingar. Hún þarf nefnilega að þrengja kreddum upp á þá sem geta ekki annað en þegið útrétta hönd hennar og er vert að nefna tvö dæmi:

Heilsugæsla kaþólskra í lakari hverfum stórborga BNA = engar getnaðarvarnir í boði og engin aðstaða til fóstureyðing = mikil aukning á þungunum unglingsstúlkna

Trúboð kaþólskra í Afríku = smokkurinn bannaður og úthrópaður sem verkfæri djöfulsins = nýsmit HIV-veirunnar hefur aukist til mikilla muna

Það þarf síðan ekki að fjölyrða um hvað kaþólska kirkjan hefur gert samkynhneigðum með linnulausum hatursáróðri sínum í þeirra garð.

Komið hefur í ljós að yfirhylmingin í Írlandi og BNA náði upp til hæstu staða í Róm. Ratzinger páfi, sem og forveri hans, þurfti t.d. að fá sérstaka friðhelgi í BNA að beiðni Vatikansins svo ekki yrði hægt að sækja hann til saka fyrir þátt sinn í yfirhylmingu með kynlega hneigðum prestum.

Kaþólska kirkjan er kynlegt fyrirbæri, svo mikið er víst.

[Guðrún Emilía Guðnadóttir, 26.12.2009 kl. 15:11]

Já það er mikil ógn og fagurgalinn sem viðhafður er bara af hinu illa.
Verum á varðbergi

[Jóhanna Magnúsdóttir, 26.12.2009 kl. 16:05]

Óli Jón, get tekið undir þessa greiningu á kaþólsku kirkjunni.  Ég þekki ágætt fólk sem tilheyrir "ávaxtaskál" hinnar kaþólsku kirkju - en því miður held ég að skemmdu ávextirnir séu farnir að dóminera. 

[Jóhanna Magnúsdóttir, 26.12.2009 kl. 16:12]

Þessir barnaníðingar sem starfa í skjóli kirkju eru eins og úlfurinn í skóginum og börnin sem Rauðhetta á leið til ömmu og eiga sér alls einskis ills von.  Úlfurinn er hungraður og dulbýr sig sem ömmu  og gleypir Rauðhettu,  en nú þarf bara hugrakka veiðimenn til að fanga úlfana.

Kannski sagan hafi verið búin til sem dæmisaga um barnaníðinga innan kirkjunnar, hver veit.

[Ásthildur Cesil Þórðardóttir, 27.12.2009 kl. 21:49]

Já ég deili vissulega þessari skoðun þinni Jóhanna mín.  Allt þetta pelli og prjál með engu innihaldi.