Af hverju að blygðast sín fyrir brjóstin?

Þegar við erum börn þá skiptir okkur engu máli þó við göngum um nakin, - svona bara að okkur verði ekki kalt.  Við skömmumst okkar ekki fyrir nekt okkar. -   Svo á einhverjum tímapunkti þá þykir það ekki við hæfi að barn "striplist" - það er þó misjafnt eftir samfélagsgerð.  

Í Ameríku eru foreldrar sektaðir sé stúlkubarn topplaust við sundlaug,  jafnvel þó að engin séu brjóstin.  Í þyskalandi fer fólk í sameiginlega sturtuklefa og saunaböð, svo dæmi séu tekin.

Ég las frétt um það að drengir hefðu narrað unga stúlku til að senda mynd af sér topplausri og síðan fór sú mynd í birtingu um allan skólann - og elsku stúlkunni leið að sjálfsögðu illa.  Hún hafði látið narra sig og svo geta allir séð. -  Og þessi verknaður þessara aðila er að sjálfsögðu rangur og óheiðarlegur,  en skaðinn væri e.t.v. ekki svona mikill eða "skömmin" ef að við værum ekki svona viðkvæm fyrir nekt.   Og hvað þá að hún þyki það spennandi að það þurfi að dreifa henni á milli. 

Það er eðlilegt á Íslandi að klæða sig vel, því hér er kalt brrr...  Við þekkjum það að um leið og við erum komin á heitari staði,  þá er lítið mál að fækka fötum.  Bikiní hylja ekki mikið  - sum hver.  

Eva og Adam huldu nekt sína í Edensgarði vegna þess að þau voru óheiðarleg og borðuðu eitthvað sem var búið að banna þeim að borða.  

Af hverju þurfum við að hylja okkar nekt? - Höfum við eitthvað til að fela eða skammast okkar fyrir?

Er nekt klám, eða verður hún ekki bara klám í huga þess sem það hugsar?

Ég er ekki með svörin, enda alin upp í sama þjóðfélagi og í sömu heimsmynd og flestir sem koma til með að lesa þetta.  En mér finnst mikilvægt að hoppa svolítið útfyrir rammann við og við og spyrja "af hverju"  -  "af hverju er þetta svona - og af hverju hinsegin?" ..

Getum við gert betur?  

Takið eftir að þegar Adam og Eva höfðu verið óheiðarleg voru það þau sem skömmuðust sín,  og í tilvikinu sem ég vísa til eru það aðilarnir sem plötuðu fram myndina sem eru óheiðarlegir svo skömmin liggur að sjálfsögðu þar en ekki hjá stúlkunni sem treysti. - 

 

Athugasemdir

[Jón Þórhallsson, 13.9.2013 kl. 10:31]

Spurðu þig sjálfa

=Af hverju mætir þú ekki í vinnu eða gengur um bæinn berbrjósta?

(Þó að það væri 40 stiga hiti í kingum þig?).

[Sigurður Alfreð Herlufsen, 13.9.2013 kl. 11:34]

Enn ýktari eru dæmin frá arabalöndum, þar sem fólk klæðist kuflum í 40 stiga hita.

Og konur hylja andlit sitt.

Það eru margar birtingarmyndir tísku og venju meðal ólíkra þjóða.

Til okkar höfðar frekar látlaus klæðnaður, sem er líklega staðfesting á því að við höfum leyfi til að klæða okkur að eigin vali.

[Úrsúla Jünemann, 13.9.2013 kl. 14:57]

Menn og konur eiga fyrst og fremst að klæða sig eftir veðrinu og óþarfi er að skammast sín fyrir hvernig guð hefur skapað okkur. En auðvitað fer maður eftir siðum og venjum og forðast að stuða samborgarana sína.