Eitt eilífðar smáblóm ...

Góðan dag þú fagra blóm, 

Smá pælingar með morgunkaffinu: 

Við erum öll eitt, eitt með sjálfum okkur, eitt með náunga okkar og eitt með .... 

Við fáum sama svarið hvort sem við lítum á andlegu hliðina eða á vísindalegu hliðina. Djúpt niðri er allt og við öll tengd saman,  líffræðilega - efnafræðilega - og andlega. Maðurinn er líkami, hugur og sál. Maðurinn er náttúra. Náttúran er mold, vatn og loftið sem við öndum að okkur. 

Það er því auðveldara að skilja setningar eins og "Elskaðu náunga þinn eins og sjálfan þig" - þegar við áttum okkur á því að náungi okkar er tengdur okkur,  það sem við gerum á hans hlut gerum við okkur sjálfum,  það sem við gerum fyrir náungann gerum við fyrir okkur sjálf.  

Þannig virkar bergmál lífsins ..  

Þegar við áttum okkur á því að við erum öll blóm í sama blómapotti, af sömu rót, þá föttum við kannski að það að spilla jörðinni fyrir öðrum er að spilla henni fyrir sjálfum okkur, það að dæma aðra með dómhörku dæmir okkur, það að elska eykur okkar eigin elsku. -

Virkar reynar í báðar áttir  - að spilla fyrir okkur spillum við fyrir öðrum, að dæma okkur með dómhörku dæmum við aðra,  að elska okkur eykur ástina á öðrum. - 

Athugasemdir

[Ásthildur Cesil Þórðardóttir, 10.11.2011 kl. 10:56]

Verst að þeir sem geta ráðið þessu eru þeir sem allra minnst gera sér grein fyrir því.

[Guðrún Emilía Guðnadóttir, 10.11.2011 kl. 13:52]

Við ráðum þessu sjálf, ég ræð þessu fyrir mig og aðrir fyrir sig, neikvæðni, skoðanir og dómar eru ekki af hinu góða.

[Sigurður Herlufsen (IP-tala skráð) 11.11.2011 kl. 00:48]

Mikið er ánægjulegt að fylgjast með þínum hugleiðingum. Loksins hef ég fundið að minnsta kosti einn einstakling sem hugsar á sömu bylgjulengd og ég geri sjálfur.

Þó svo þetta sé einfalt og auðskilið, að því mér finnst.

Það er svo skrítið að þegar ég hef varpað svipuðu fram, þá hef ég stundum fengið á mig neikvæðar athugasemdir frá fáeinum sálum. Ekki virðast þær vera búnar að finna þessa einingu sem við erum sammála um að sé til staðar.

[Jóhanna Magnúsdóttir, 11.11.2011 kl. 08:39]

Takk fyrir athugasemdir,  Ásthildur, Milla og Sigurður.

Það er gott að upplifa fólk á sömu bylgjulengd, - ég held að sumir vantrúaðir hafi gefist upp á að öskra "grænsápa" og annað slíkt, - þegar ég viðra mínar hugmyndir um trú - og líka bókstafstrúarfólkið að hrópa að ég hafi ekki "réttan Guð" - eða sé ekki sannkristin. 

Ég held að það sé búið að fatta að málið snýst ekki um stimpla, ekki um yfirborðstrú heldur það sem kemur að innan. Ég kann ekki að upplifa trú öðru vísi en frá hjartanu. - En svipað og ég hef verið að setja hér inn túlka ég hana - þó henni verði í rauninni aldei komi í orð -  

Því fleiri sem tengjast í einingu því betra, og þegar við erum búin að ná því að finna það þá loksins má vænta hinnar "Nýju jarðar" sem  talað er um í Opinberunarbókinni og Eckhart Tolle túlkar svo vel í bókinni sinni "New Earth" ..