Tvö 25 ára ...Þórarinn Ágúst Jónsson og Jóhanna Vala Jónsdóttir! Fjölskyldublogg ..

 Tvíburarnir mínir, sem eru nú bara kölluð Tobbi og Vala, eiga 25 ára afmæli 25. september! .. tvöfalt 25 á 25. degi mánaðarins! 

Þegar þau voru lítil strauk ég á þeim bakið, söng og sagði þeim sögur. Sagan af fæðingu þeirra var í uppáhaldi hjá þeim, enda um hálfgert kraftaverk að ræða að þau voru bæði heilbrigð, ef ekki algjört!  .. 

Skrifa söguna hér eins og ég sagði þeim hana: 

Það gekk mikið á, mamman gekk í tæpar 42 vikur með tvíburana, mænudeyfingin virkaði ekki svo hún fann mikið til, svo þurfti að svæfa hana smástund. En svo vaknaði mamman upp með dúsín af læknum og hjúkrunarliði í kringum sig, og spurði af veikum mætti "er allt í lagi" .. þá sýndi ljósmóðirin henni tvö fullkomlega heilbrigð og yndisleg kríli, strák og stelpu - og mamman fór að hágráta, fólkinu í kring brá við, en svo hélt mamman áfram "ég er svo hamingjusöm..og tárin héldu áfram að flæða".. annað barnið hafði verið með óreglulegan hjartslátt, og mamman hafði svona innst inni haft áhyggjur að það hefði hlotið einhvern skaða, en svo var ekki. 

Daginn eftir sagði mamman pabba þeirra frá því hvað þetta hefði verið neyðarlegt að hágráta svona fyrir framan alla, en þá sagði pabbinn "það var ekki neyðarlegt - það grétu allir með þér".... Sjálf hafði ég ekki tekið eftir því, en stundin og samlíðanin þarna á sjúkrahúsgangingum hafði vissulega verið töfrum líkust..

Þegar þarna var komið við sögu var ég yfirleitt orðin þreytt í höndunum að strjúka bak í kross..

En svo kemur hér smá myndasaga: 

 

 

 Í leið í Flataskóla við hlið Ford Fairlane ´66 árgerð! 

 

 

 

 

 

 

 

 

 Á Coco Beach í Florida! 

 

 

 

 

 

 

 

 Á Spáni, - á veitingastað með mömmu! 

 

 

 

 

 

 

 

Í ferðalagi, - með stóru systur Evu Lind! 

 

 

 

 

 

 

 Og aftur á Flórída! .. 

 

 

 

 

 

 

 

 

 Í brúðkaup Evu Lindar stóru systur, glæsilegt ungt fólk! 

 

 

TIL HAMINGJU UNGARNIR MÍNIR;-)

 

 

 

 

 

 

 

 

Athugasemdir

[Helga Kristjánsdóttir, 25.9.2011 kl. 03:45]

 Elsku Jóhanna til hamingju,ég skil vel grátinn,tilfinningum hamingjunnar er ekki sökkt,þær brjótast út sem þakklæti til þátttakenda þessa kraftaverks.Æ! ég kemst ekki betur að orði. Ef þú vildir skila kærri kveðju til Tobbýjar,ömmu,yrði ég þér þakklát.

[Jóhanna Magnúsdóttir, 25.9.2011 kl. 11:04]

Takk Helga mín, skila kveðjunni ;-)

[Ásdís Sigurðardóttir, 25.9.2011 kl. 11:31]

Innilega til hamingju með börnin þín, þau eru flott eins og mamman.

[Jóhanna Magnúsdóttir, 25.9.2011 kl. 17:48]

Takk Ásdís mín ;-)

[Ásthildur Cesil Þórðardóttir, 25.9.2011 kl. 18:57]

Til hamingju Jóhanna mín með þessi glæsilegu börn.  

[Jóhanna Magnúsdóttir, 25.9.2011 kl. 23:25]

Takk Ásthildur mín ;-)

[Dagný, 26.9.2011 kl. 20:14]

Já það er svo sannarlega ekki sjálfgefið að eignast heilbrigð börn - hvað þá tvö í einu. Hjartanlega til hamingju með þau.