YOU ARE LOVED ..

Í bloggfærslunni hér á undan þar sem fjallað var m.a. um sjálfstraust, skrifaði ég þessa stuttu setningu - You are loved -  til að skýra mál mitt - þ.e.a.s. að elskan væri í raun grunnur sjálfstrausts, en ekki það sem mölur og ryð geta grandað, titlar, útlit o.s.frv., allt annað - það sem kemur að utan, hversu fræg við erum og slíkt, er ekki trygging fyrir sjálfstrausti, því það er eitthvað sem eyðist og hverfur.  

You are loved 

- og það hittir í mark, enda getur elskan ekki geigað nema að sá sem hún er ætluð forði sér eða skýli hjarta sínu. 

Við þurfum nefnilega öll að vita að við séum elskuð,  og ekki bara vita, heldur trúa því. 

Þú ert elskaður

Þú ert elskuð 

Það sem er þó mikilvægast að trúa er að við séum okkar eigin elsku verð.

Kærleiksboðorðið virka í báðar áttir; 

Elskaðu aðra eins og þú elskar þig  -   Elskaðu þig eins og þú elskar aðra  

Sýndu sjálfri/sjálfum þér virðingu. 

Við göngum oft býsna nærri okkur sjálfum, sýnum okkur ekki þá tillitssemi sem við oft á tíðum sýnum öðrum. Bjóðum okkur upp á hluti sem við myndum ekki bjóða neinum öðrum. Erum næstum dónaleg við okkur sjálf.

Í leit okkar að elsku og viðurkenningu förum við stundum yfir mörk þess boðlega fyrir okkur sjálf. 

Við erum alltaf að lenda í þessu, að yfir okkur sé gengið að einhver tali niður til okkar, að okkur sé sýnd óvirðing.  Þá fer það eftir viðhorfi okkar til sjálfra okkar hvernig við tökum því. Hvort við kokgelypum eins og fiskur sem gleypir agn,  eða hvort við sendum það til föðurhúsanna,  annað hvort í huganum eða við tölum upp, eða stígum út úr aðstæðum á annan hátt. 

Ef við elskum okkur ekki nógu mikið eða gerum okkur grein fyrir verðmæti okkar þá látum við það líðast að aðrir nái að fara undir skinnið okkar og stjórna,  við gefum út leyfisbréf og látum þetta jafnvel brjóta okkur niður. 

En þegar við gerum okkur grein fyrir að elskan er fyrir hendi, hún hefur alltaf verið fyrir hendi - hún er hluti af þér og kemur frá hjarta þínu,  þá getur þú farið að slaka á, þú átt allt gott skilið. 

You are loved - Love is you 

Love's like the water when the well runs dry

Quench my thirst, keep me alive
Just need one sip, baby, love is you
Love is you, love is you, love is you, love is you

 

 

 

Athugasemdir

[Eyþór Örn Óskarsson, 11.6.2011 kl. 11:50]

Jahá sko til - nú tiplaðir þú á efni sem gæti enst í mörg blogg, mín kæra blogvinkona - þessi setning eins mögnuð og hún er, gæti átt erfitt með að skila sér inn í innsta kjarna okkar...........

Þetta er verðugt verkefni og um leið hugarfarsbreyting - Ég er Reikimeistari sem þýðir að ég er að kenna heilun og á námskeið hjá mér kemur fólk sem langar að læra að veita heilun, bæði sjálfum sér og öðrum, en á jafnframt erfitt með viðurkenna að það geti þetta - það er ólýsanleg sælutifinning fyrir mig að kveðja nemendur að námskeiði loknu og sjá breytinguna sem hefur orðið á þeim og heyra þau segja "ég get" ..........

Íslendingar almennt eru lokaðir tilfinningalega og það sem meira er sjálfsgagnrýnir, þeir eiga mun auðveldara með að hrósa öðrum og viðurkenna að hinir hafi gert góða hluti, en að hrósa sjálfum sér og viðurkenna að maður sjálfur standi sig vel - það flokkast sem mont...........

Sú orka sem við sendum frá okkur kemur tíföld til baka, það er vitað - og hvað má þá segja um alla þá neikvæðu orku sem við erum að senda á okkur sjálf með sjálfsgagnrýni - mér þykir ekki ólíklegt að hún skili sér í alvarlegum veikindum, andlegum og líkamlegum..........

Að veita heilunarmeðferð er verulega gefandi og ekki er hægt að veita heilun nema að fá heilun sjálfur - ein alkröftugasta heilunaraðferðin er faðmlag...

Gangi þér vel .......... You are loved - Love is you

[Jóhanna Magnúsdóttir, 12.6.2011 kl. 06:49]

Þakka þér innilega þetta innlegg og það er notalegt að fá þessa speglun.