Tími til að kveðja hið gamla og taka á móti hinu nýja - Gleðilegt ár!

Í dag er gamlársdagur og á þeim degi lítum við mörg yfir farinn veg.  Eins og áður hefur komið fram þá er hjarta mitt þakklátt.  

Bæn ársins, og eflaust komandi ára, er svo sannarlega æðruleysisbænin;

"Guð gef mér æðruleysi til að sætta mig við það sem ég fæ ekki breytt,

kjark til að breyta því sem ég get breytt og vit til að greina þar á milli."

 

Þessi bæn hefur hjálpað mér við stórar og litlar ákvarðanir í mínu lífi og við að játast það að ég geti ekki, þrátt fyrir einbeittan vilja - bjargað heiminum! ... 

Árið 2010,  stiklað á stóru:  

- sagði ég starfi mínu sem aðstoðarskólastjóri lausu.  

- átti ég yndislega páska í Kaupmannahöfn með hluta af fjölskyldunni og barnabörnum 

- þann 17. júní eignuðust sonur minn og tengdadóttir yndislegt stúlkubarn  

- fór ég á lífsbreytandi námskeið,  meðvirkninámskeið í Skálholti og Dale Carnegie námskeið  

- fékk ég vinnu við átaksverkefni gegn brottfalli nemenda úr skóla  

- gerðist ég samstarfsaðili að grasrótarsamtökunum Lausninni - www.lausnin.is   

- skipti út orðinu megrun fyrir meðvitund  

- fékk ég mikla hvatningu frá fólki og mörg falleg bréf frá fyrrverandi nemendum 

Ég vil þakka ÖLLUM sem hafa staðið með mér á stormasömu ári,  og óska okkur öllum gleðilegs árs og friðar!

Er þakklát fyrir ykkur börnin mín;  Eva Lind, Jóhanna Vala og Þórarinn Ágúst   ..  

Og hér kemur kveðja til liðins árs! ..  

 

 

Athugasemdir

[Ásdís Sigurðardóttir, 31.12.2010 kl. 11:45]

 gleðilegt ár og gangi þér allt í haginn.

[Elva Björk Elvarsdóttir (IP-tala skráð) 31.12.2010 kl. 16:47]

Gleðilegt ár Jóhanna mín og megi árið 2011 verða þér gæfuríkt og gott í alla staði ;)

[Guðrún Emilía Guðnadóttir, 31.12.2010 kl. 18:37]

Sömuleiðis elsku vinkona, takk fyrir mig og megi guð gefa okkur gæfu til að gera allt jákvætt á nýu yndislegu ári.

[Ásthildur Cesil Þórðardóttir, 1.1.2011 kl. 14:11]

Gleðilegt ár og bjarta framtíð handa þér og þínum Jóhanna mín.  Takk fyrir öll björtu ljósin sem þú setur hér inn fyrir okkur hin.

[Jóhanna Magnúsdóttir, 2.1.2011 kl. 07:23]

Gleðilegt ár - takk sömuleiðis Ásdís mín!

Gleðilegt ár Elva mín og takk fyrir allt í gegnum árin ;-) óska þér alls hins besta!

Gleðilegt ár Milla mín - tek undir orð þín!

Gleðilegt ár Ásthildur mín, höldum ljósinu logandi ;-)

[Sigurður Rósant, 8.1.2011 kl. 16:20]

Þú ert með réttu hugarfari, Jóhanna. Það hefur áhrif að hugsa jákvætt og líta á kostina fremur en ókostina í lífi og starfi.

Bæn (þakklæti) eða sjálfssefjun er einmitt frumskilyrði þess að einstaklingur geti lifað sáttur við sjálfan sig, aðra og umhverfið.

En við verðum að búa okkur, börn og barnabörn undir að siðvenjur trúar eða trúarbragða verða að víkja fyrir sameiginlegum hagsmunum, eins og hlutlausri menntun, frelsi kvenna og barna í takt við frelsi mestu karlremba og sérhagsmunaseggja, örvun einstaklinga án hamlandi áhrifa trúarbragða, umhverfisverndunarsinna og annarra "ímyndarsinna" sem telja sig vera að bjarga heiminum frá glötun.

Gleðilegt ár Jóhanna og þakka liðin bloggskipti.