Ekki í boði

Nú gríp ég til leikskólatungumálsins og segi bara "Þetta er ekki í boði" ... vonandi skilja stjórnvöld það!! ..

þ.e.a.s. það ætti ekki að vera í boði að loka á sambýli eða aðra aðstöðu fyrir þroskahamlaða, geðfatlaða eða þar sem verið er að leitast við að bæta lífsgæði þeirra sem ekki hafa sömu möguleika og þeir sem eru (eða ættu að vera) það sem í almennu tali kallast heilbrigð,   minnug þess að Bergiðjunni var lokað á sínum tíma,  en það var verndaður vinnustaður.

Þjóðfélagið á ekki að byggjast á "survival of the fittest"  Heldur eiga þeir sem eru "fittest" að gefa það sem þeir geta til að jafna aðstæður þeirra sem ekki hafa tækifærin vegna annað hvort líkamlegrar eða andlegrar hömlunar. 

Skjaldborgin þarf að vera um heimilin,  um sambýli og um  fjölskyldur af öllum stærðum og gerðum.  

Fjölskylda er í mínum huga ekki bara genetískt tengt fólk. 

 

 

 

Hættu við eftir mótmæli

Athugasemdir

[Vendetta, 10.10.2010 kl. 12:49]

Sammála. En skjaldborg íslenzku kommúnistastjórnarinnar um fjármálafyrirtækin munu ekki verða flutt til smælingjanna í þjóðfélaginu. Ekki fyrr en búið er að kjósa glæpahyskið burt úr stjórninni, bæði kratana og kommana. Næsta ríkisstjórn ætti að fylgja félagslegri frjálshyggju, sem gengur út á það að styrkja bæði velferðarkerfið (heilbrigðisþjónustu og tryggingakerfið), heimilin og atvinnuvegina.

Núverandi liðleskjustjórn stendur í veginum fyrir þessu og mikilvægt að sparka stjórnarflokkunum svo langt út í hina pólítísku eyðimörk, að þeir komi aldrei aftur. Þetta var gert á Ítalíu á níunda áratugnum, þegar stærstu og spilltustu flokkarnir, Kristilegir demókratar og Sósíalistarnir voru hreinlega útmáðir í kosningum. Þetta er líka hægt á Íslandi, ef viljinn er fyrir hendi. En ef letin, hugleysið og kæruleysið heldur áfram, þá breytist aldrei neitt til hins betra.

                                        Íslenzka vinstrimafían

[Jóhanna Magnúsdóttir, 11.10.2010 kl. 09:29]

Takk fyrir þitt innlegg Vendetta