Hreyfing dagsins ..

Já nú snýst lífið hjá mér aðallega um heilsuna, vera á hreyfingu og komast í andlegt og líkamlegt form.  Eins og kunnugir kannski vita sagði ég lausu starfi mínu sem aðstoðarskólastjóra í Menntaskólanum Hraðbraut 1. maí sl., vann uppsagnarfrest og er nú í sumarleyfi til 1. september og atvinnulaus eftir það!..

Langar eiginlega bara að fara að vinna í einhverri skemmtilegri búð eða fyrirtæki í 101,  þá get ég gengið og þarf ekki bílinn nema svona til að sinna erindum eða í heimsóknir.  Miklu skemmtilegra að ferðast gangandi en akandi! 

Þegar ég skrifa að komast í andlegt form,  þá þýðir það ekki að ég sé í einhverju rusli andlega, bara var orðin mjöööög langþreytt eftir mikið álag í vinnu - við leiðinda aðstæður sem komu upp og urðu bara verri og verri þar til mín fékk sig fullsadda og svo fór sem fór.   Konan er því orðin fyrrverandi aðstoðarskólastjóri og núverandi bóhem og líkar það bara býsna vel!

Yfirskriftin á blogginu mínu er "Hreyfing dagsins" og eins gott að standa við það. 

Gekk í 55 mínútur og hljóp meira að segja svolítið líka.  Gekk mína venjulegu rútínu,  Ránargata, Vesturgata,  Grandi og alveg út á Seltjarnarnes að vatnsbrunninum og snéri þar við.  Simbi ofurhundur var að sjálfsögðu með í för og hélt mér við efnið. 

Á morgun fer ég svo í tíma hjá World Class og læt eflaust gera út af við mig með einhverjum maga- og rassæfingum.  Námskeiðið byrjaði í gær,  eins og fram kom í blogginu á undan og verður gaman (vonandi) að birta árangurstölur eftir þessar 3 vikur.

Athugasemdir

[Valdimar Samúelsson, 10.8.2010 kl. 21:08]

Heyrðu Jóhanna. Þú mátt ekki gera þig of granna þá hefir þú enga orku á að ganga.

[Jóhanna Magnúsdóttir, 11.8.2010 kl. 07:47]

Það eru ekki miklar líkur á því - og ég passa upp á orkuna,  en takk fyrir umhyggjuna!

[Guðrún Emilía Guðnadóttir, 11.8.2010 kl. 16:39]

Þú ert bara flottust Jóhanna mín
Knúskveðjur frá þessari sem er enn að grubla, í hverju er hin stóra spurning.

[Marta B Helgadóttir, 12.8.2010 kl. 11:56]

Gangi þér vel Jóga

[Hrönn Sigurðardóttir, 12.8.2010 kl. 22:50]

Hey Marta Smarta.... er ekki kominn tími á hitting yfir þínu frábæra salati? Eða þarf fellibyl til?

[Marta B Helgadóttir, 13.8.2010 kl. 09:50]

Hrönnslan mín, jú er í raun löngu kominn tími á hitting. Ég stefni að því bara strax í byrjun sept. Hvernig hljómar t d fiskisúpa um hádegi á laugardegi? 

[Jóhanna Magnúsdóttir, 13.8.2010 kl. 13:31]

Hey frábært,  þið farnar að skipuleggja hér á þræðinum, það hljómar allt vel sem kemur frá þér Marta!

[Marta B Helgadóttir, 13.8.2010 kl. 15:44]

Takk stelpur mínar.

Ég fer þá bara að drífa íessu - að smala saman góðu konunum mínum úr netheimum og finna hentugan tíma.

 

[Hrönn Sigurðardóttir, 13.8.2010 kl. 18:49]

Big læk á það Zordís er að bresta á líka ;)

[Marta B Helgadóttir, 16.8.2010 kl. 11:53]

Ég næ ekki í Þórdísi, fékk endursendan tölvupóstinn sem ég sendi henni. Ég er sjaldan á fésbók og hef ekki aðgang að þeim vef í vinnunni ... Hvenær kemur hún?