Bjarni Ben eða Pétur Blöndal ?

Jæja, nú færist smá spenna í leikinn hjá Sjálfstæðismönnum. Hvorn myndir þú kjósa ef þú YRÐIR að kjósa annan hvorn og Sjálfstæðisflokkurinn væri eini flokkurinn á landinu! Hvorum myndir þú betur treysta fyrir sjálfum/sjálfri þér? 

Þetta er auðvitað til gamans gert, en könnunin stendur til 23:00 í kvöld hér vinstra megin á síðunni.

Eigum svo góðan og gleðilegan dag. 

Skorast ekki undan ábyrgð

Athugasemdir

[Jóhanna Magnúsdóttir, 26.6.2010 kl. 11:22]

19 atkvæði komin og Pétur með 73,7%  og Bjarni með 26,3%   -  skyldi þetta vera marktækt?

[Jóhanna Magnúsdóttir, 26.6.2010 kl. 11:34]

Enn dregur á milli Pétur 78,3 og Bjarni 21.7%

[Guðrún Emilía Guðnadóttir, 26.6.2010 kl. 11:40]

Pétur er eflaust afar vel gefinn fjármálasnillingur, en ég get ekki tekið við þeim orðum sem hann hefur haft um lífeyrisþega í gegnum tíðina.

[Ragnheiður Arna Magnúsdóttir (IP-tala skráð) 26.6.2010 kl. 11:43]

Af tvennu heimsku þá trúi ég ekki að fólk vilji Pétur!! Þvílíkar yfirlýsingar sem þessi maður hefur komið með......Hann er náttúrulega stundum ekki með fulla femm!!

[Bumba, 26.6.2010 kl. 12:30]

Ég myndi kjósa hvorugan, leggja flokkinn bara niður í núverandi mynd og stofna hann upp á nýtt. Hvorugur er kosturinn góður, en af tvennu illu kýs ég þó Bjarna. Með beztu kveðju.

[Jóhanna Magnúsdóttir, 26.6.2010 kl. 13:57]

78% Pétur  22% Bjarni  41 hefur svarað ..

[Guðjón Atlason (IP-tala skráð) 26.6.2010 kl. 14:12]

Pétur er náttúrlega heilmikill snillingur en grjóthörð andstaða hans við alla leiðréttingu lána vegna verðtryggingar kemur í veg fyrir að ég geti stutt hann. Hann er einn skæðasti andstæðinur leiðréttinga glæpsamlegra stökkbreytinga á höfuðstólum og afborgunum verðtryggðra lána.

[Púkinn, 26.6.2010 kl. 17:56]

Það er þetta með Pétur - hann hefur mjög ákveðnar skoðanir og það er enginn vafi á fyrir hvað hann stendur - ég er kannski ekki alveg sammála öllu sem hann segir en hann er sjálfum sér samkvæmur....bjarni er svona....meh....hálfgerður vindhani í samanburði.

Það eru hins vegar of margar aðrar ástæður gegn því að ég geti kosið sjálfstæðisflokkinn.... meðan flokkurinn gelur Árna Johnsen,sem í mínum huga er holdgerfingur spillingar og eiginhagsmunastefnu vera hæfan til framboðs er þetta ekki flokkur fyrir mig - svo ég nefni nú bara eina ástæðu.

[Ingvi Rúnar Einarsson, 27.6.2010 kl. 11:42]

Pétur er einn af þeim fáu á Alþingi,sem starfar eftir sannfæringu sinni,er það vel.

En ég er ekki sáttur,hvernig hann kom því til leiða,að Sparisjóðarnir voru einkafæddir og seldir óprúttnum aðilum.Hann sagði,að í sparisjóðunum væri fé án hirðis.Öll vitum við afleiðingar,þeirri aðgerð.

Þarna voru stofnfjáreigendur(m.a.Pétur),sem fengu dollaramerki í augu.

[Jóhanna Magnúsdóttir, 27.6.2010 kl. 13:39]

Sjálfstæðismenn völdu Bjarna Ben, þó að niðurstaða skoðanakönnunar meðal "þjóðarinnar" leiddi annað í ljós.

[Hrönn Sigurðardóttir, 28.6.2010 kl. 22:09]

Hvorn hefðir þú kosið?

[Jóhanna Magnúsdóttir, 28.6.2010 kl. 22:11]

Góð spurning,  epli eða appelsínu?  Ég hefði kosið Pétur.