Gleðin í lífinu og fýlan í "sumum"

Undanfarin sex ár hefur líf mitt verið samtvinnað ungu fólki, að sjálfsögðu mínu eigin unga fólki, þ.e.a.s. börnunum mínum, en líka öðru ungu fólki þar sem ég starfa í framhaldsskóla. Ég hef fylgst með, og verið þátttakandi, í gleði þeirra og sorgum og í gærkvöldi var gleðistund. Forkeppni fyrir söngkeppni framhaldsskólanna.

Í 170 nemenda skóla fluttu nemendur 10 atriði, og í sumum þeirra voru tveir þátttakendur.  Atriðin voru ólík, en öll flutt af mikilli innlifun og ekki voru kynnarnir síðri sem voru svona "Jói og Simmi" Hraðbrautar. 

Hæfileikarnir hrundu fram, þrátt fyrir pinku stress - og stundum mikið stress, tókst öllum að komast vel í gegnum sín atriði og stóðu sig með sóma. Sum auðvitað betri en önnur, enda um keppni að ræða. 

Mjög góð mæting var af nemenda hálfu og við mættum nokkrir starfsmenn og höfðum ekki minna gaman af en nemendurnir. Enda tók t.d. einn nemandi frumsamið rapp þar sem skólastjóri var nefndur á nafn o.fl. 

Það er oft styttra að sækja gleðina en við höldum, en vegna þess sem  nú er að fara að höndum.  Þjóðaratkvæðagreiðsla um Icesave samninga,  þá sýnist mér ekki veita af að minna svolítið á gleðina og brosin. 

Brosum til hvers annars þegar mætt er á kjörstað ;-) .. og minnumst alls þess góða sem landið gefur og við gefum hvert öðru. 

Fýla er að sjálfsögðu valkostur líka, ef að fólk vill nýta sér þá fyrirmynd. 

 

 

Athugasemdir

[Jónína Dúadóttir, 6.3.2010 kl. 07:55]

Hef alltaf sagt þetta... fýla er valkostur og ég vel að nota hana ekkiÞað er alltaf eitthvað í gangi, sumt miður ánægjulegt og svo annað misjafnlega auðvelt, en að kjósa fýluna gerir allt bara miklu erfiðaraEigðu góðan dag flotta kona

[Sigurður Þórðarson, 6.3.2010 kl. 09:56]

Við mætum á kjörstað með sól í sinni og von í brjósti

[Ingvi Rúnar Einarsson, 6.3.2010 kl. 11:29]

Auðvitað mæta allir á kjörstað,með von í brjósti,að martraðinnar fara að ljúka.En ég sé ekki neitt athugavart við það,þó að ungt fólk,sem þegar er búið að missa allt,eigi erfitt með að mæta með bros á vör.

En trú,von og kærleikur er sú ljóstýra,sem allir vona verði að sólarljósi framtíðarinnar.

[Ásdís Sigurðardóttir, 6.3.2010 kl. 11:42]

Fýla er leiðinleg hvort sem hún er í útliti eða andrúmslofti. Ég vel að brosa

[Jóna Kolbrún Garðarsdóttir, 7.3.2010 kl. 00:29]

Í dag er góður dagur. 

[Ía Jóhannsdóttir, 7.3.2010 kl. 20:58]

Vildi bara koma hér inn og heilsa að góðum íslenskum sið J'ohanna mín.  Ég hef svo lítið farið inn á bloggið undanfarið en fer vonandi að hressast, nennnesssekki lengur.   KNús á þig.

[Ásthildur Cesil Þórðardóttir, 8.3.2010 kl. 09:34]

Þú er alltaf frábær Jóhanna mín.