Hamingjan hangir á þvottasnúrunni ..

 

HAMINGJAN HANGIR .. 

Forsaga: Ég þvoði af rúmunum einn sumardaginn fyrsta, sem er nú ekki alveg í frásögur færandi, en þegar ég var að hengja lökin og sængurverin upp - og fylgdist með þeim blakta - um leið og fuglarnir á Sólheimum sungu morgunsönginn, leið mér svo ótrúlega vel. Ég fór að ræða þessa vellíðan við samstarfskonu mína, og þá sagði hún einfaldlega: "Já þetta er hamingjan" ..

 

Hamingjan hangir á  þvottasnúrunni. 

Hún blaktir í vindinum

og það tekur í fúnar tréklemmur

sem hafa staðið af sér veturinn.

Ég anda djúpt

og hlusta á lökin taka undir

fuglasönginn.

Mikið er gott að vera hér

við þvottasnúrurnar

þar sem hamingjan hangir.  

 

Jóhanna Magnúsdóttir -  vorið 2016 

 

Athugasemdir

[Helga Kristjánsdóttir, 7.2.2017 kl. 16:09]

Gott hja þér Jóhanna mín,en ég vissi ekki að þú værir farin þaðan (Sólheimum),en Tobbý sagði mér það.Ég fór með henni upp á Akranes að heimsækja 93 ára ekkjumann Auðar frænku okkar. Sá er sprækur kallinn og yrkir enn um mikilfengleg þess einfalda,sem við sjáum en horfum ekki á.Mb.Kv.

[Jóhanna Magnúsdóttir, 8.2.2017 kl. 10:09]

Þakka þér kveðjuna Helga,  jú, hætti á Sólheimum 1. júní 2016,  og fór að leysa af í Skálholtsprestakalli frá 1. september sama ár og er sett þar í embætti til 4. júní 2017. -  Svo er ég að flytja í Hveragerði í vor. 

Góð setning "Horfum en sjáum ekki" .. það er svo satt.  

Kær kveðja,  Jóhanna