Verum við sjálf ..

Það er hamrað í okkur daginn út og daginn inn að við þurfum að vera öðru vísi en við erum.  Það gerir okkur hrygg og oft gríðarlega óánægð.  Svo er um leið sagt að það sé svo mikilvægt að vera glöð!

Það gengur engan veginn upp!

Forsenda árangurs er gleði, en ekki öfugt.  Það þýðir að við þurfum að setja gleðina í forgang, og vera ánægð með okkur eins og við erum NÚNA,  ekki "ef" eða "þegar" ...

 Það er síðan þegar við erum orðin glöð, að eitthvað fer að ganga hjá okkur.

Við erum ekki eins viðkvæm fyrir öðrum, þegar við erum glöð og okkur gengur betur að framkvæma þegar við erum glöð. - 

Þökkum það sem við erum NÚNA - og höfum NÚNA,  það er nefnilega engin gleðin án þakklætisins.

Ef við erum óánægð með okkur sjálf - útlit okkar, stöðu, kyn, eða hvað það sem nú er,  þýðir það ekki bara að við séum vanþakklát og um leið hellist "ógleðin"  eða óánægjan yfir. 

Verum við sjálf - þakklát og þar af leiðandi glöð.